நாம் தமிழர் கட்சி சேலம் மாவட்டம், வீரபாண்டி ஒன்றிய கலந்தாய்வுக்கூட்டம் 10.06.2013திங்கள் அன்று மாலை 5.00 மணிக்கு தொடங்கி இரவு 10.00 மணி வரை மாவட்ட ஒருங்கிணைப்பாளர் சி.அருண் அவர்களின் தலைமயில் மிகவும் சிறப்பாக நடைபெற்றது.

இக்கூட்டத்தை வீரபாண்டி ஒன்றியத்தைச் சார்ந்த சீவரத்தினம்(ஜீவா) அவர்கள் மிகவும் சிறப்பாக செய்திருந்தார். மே-18 அன்று அறிமுகமான சீவரத்தினம் அவர்கள், மே-18ல் நடந்த காவல்துறையின் அடக்குமுறையும் ஒடுக்குமுறையும் கண்டு மனம் நொந்து கடந்த 20 நாட்காளில் எழுச்சியும் புரட்சியும் மிக்க 50க்கும் மேற்பட்ட இளைஞர்களை ஒன்று திரட்டி இக்கூட்டத்தை ஏற்பாடு செய்திருந்தார் என்பது குறிப்பிடத்தக்கது. சீவரத்தினம் அவர்களுக்கு வாழ்த்துச்சொல்ல – 8754102652.

இக்கூட்டமானது ஒன்றிய கலந்தாய்வுக்கூட்டம் போல் இல்லாமல் மாவட்ட கலந்தாய்வுக்கூட்டம் போல மிகவும் சிறப்பாக நடைபெற்றது. இதில் கடந்த 08.06.2013 காரிக்கிழமை(சனி) அன்று சென்னையில் மாவட்ட செயலாளர் கூட்டத்தில் பேசபட்ட,

௧. கட்சியின் கட்டமைப்பை உருவாக்குதல்.

௨. மாவட்ட பொறுப்பாளர்கள் தங்கள் மாவட்ட, ஒன்றிய,நகர, கிளை

பொறுப்பாளர்களை பரிந்துரை செய்தல்.

௩. நாம் தமிழர் இதழை பரவாலக கொண்டு சென்று மக்கள் மத்தியிலே பரப்புரை செய்தல்

௪. 1000 பேர் 1000 ௦ரூபாய் என்னும் கட்சியின் வளர்ச்சி நிதிதிட்டம் குறித்தும்

௫. அண்ணனின் பாதுகாப்பு ஏற்பாடு செய்தல் குறித்தும்.

௬. வீரபாண்டி ஒன்றிய செயல்பாடுகள் மற்றும் மாவட்டத்தில் உள்ள மக்கள் பிரச்சினைகளை கையில் எடுத்து களமாடுவது குறித்தும்

௭. நமது தேசிய தலைவர் அவர்களின் புகைப்படத்தை கட்டாயம் வாகனங்களில் போட வேண்டும் என்றும்

௮. வாகனங்களில் எண் பலகைகள் தமிழில் போட வேண்டும் என்பது குறித்தும் மிக விரிவாக கலந்தாலோசித்து பேசப்பட்டது.

இக்கூட்டத்தில் கலந்து கொண்ட நாம் தமிழர்கள்:

சீவரத்தினம்(ஜீவா), பூபதி (பெரியபுத்தூர்),முருகேசன் (கல்பாரபட்டி), கமலகண்ணன் (சித்தர்கோயில்), ரஞ்சித் (சித்தர்கோயில்), சிவா(ஆட்டையாம்பட்டி),ராசா (வழக்குரைஞர்), ரமேசு (எடப்பாடி), சீராளன் (எடப்பாடி), செயப்பிரகாசு, மணி (களரம்பட்டி),பாலசுப்பிரமணி, அண்ணாதுரை (மேட்டுத்தானம்பட்டி), மணி (பள்ளபட்டி), இணையம் சிவா, ரமேசு(அன்னதானபபட்டி), வினோத்குமார் பணமரத்துப்பட்டி, கோபிராசா, பழனிவேல், ரமேசு,சங்கர், மணிகண்டன், சிவா (ஓட்டுனர்), சுப்பிரமணி(ஓட்டுனர்), முருகன் அர.மூலப்பாதை,பா.சுப்பிரமணி, அருள்குமார், சின்னுராசு, சேகர், கார்த்தி, சீனிவாசன், மணிகண்டன்,மணி(சமத்துவபுரம்), கார்த்திகேயன், பாலா (எட்டிமாணிக்கம்பட்டி) ஆகியோர் இக்கூட்டத்தில் கலந்து கொண்டு சிறப்பித்தனர்.

இந்த விபத்து எதனால் ஏற்பட்டது என்பதும், யாருடைய பிழையால் ஏற்பட்டது என்பதும் புலனாய்வின் மூலம் அறியப்பட வேண்டிய விடயம் என்றாலும், இதில் ஆராயத்தக்க விடயம், ஒரு பால் வண்டியை நிறுத்தி, அதில் ஏறிச் சென்று பள்ளியை அடைய மாணவர்கள் முடிவெடுத்தது ஏன்? என்பதே.

பள்ளி மாணவர்கள் அனைவருக்கும் தமிழக அரசு இலவச பேருந்து பயண அட்டைகளை (பஸ் பாஸ்) அளித்துள்ளது. ஆனால், எங்கெல்லாம் மாணவர்கள் அரசு பேருந்துக்காக திரண்டு நிற்கின்றனரோ அங்கு நிறுத்தாமல் அரசு பேருந்துகள் சென்றுவிடுகின்றன. அப்படிப்பட்ட சூழலில்தான் மாணவர்கள் பள்ளிக்குச் செல்ல ஷேர் ஆட்டோக்களிலும், இப்படிப்பட்ட வாகனங்களிலும் பயணம் செய்ய வேண்டிய நிலை ஏற்படுகிறது.

செந்தமிழன் சீமான்

தலைமை ஒருங்கிணைப்பாளர்

பூந்தமல்லி சிறப்பு முகாமில் தடுத்து வைக்கப்பட்டுள்ள ஈழத் தமிழ் அகதிகள் 7 பேரை, திருச்சியில் உள்ள சிறப்பு முகாமிற்கு கொண்டு செல்வதாகக் கூறி, அவர்களை வலுக்கட்டாயமாக இழுத்துச் சென்றுள்ளது தமிழக காவல்துறையின் கியூ பிரிவு.

தமிழ்நாட்டிற்கு அகதிகளாய் வந்தவர்களை ஐயத்தின் அடிப்படையில் கைது செய்வது மட்டுமல்லாமல், அவர்களை நீதிமன்ற விசாரணைக்கு உட்படுத்தாமல், அயல் நாட்டவர் சட்டத்தின் கீழ் நீண்ட காலம் சிறப்பு முகாம்கள் என்ற பெயரில் இயங்கிவரும் தனிமைச் சிறைகளில் அடைத்து அலைக்கழிக்கிறது கியூ பிரிவு. அவர்களை விடுவிக்குமாறு எப்போதெல்லாம் நாம் தமிழர் கட்சியும், மற்ற தமிழர் அமைப்புகளும் போராடுகின்றனவோ, அப்போதெல்லாம் இரண்டு, மூன்று பேரை விடுவிப்பதும், அடுத்த சில நாட்களிலேயே மேலும் நான்கைந்து ஈழத் தமிழ் அகதிகளை கொண்டு வந்து அதே சிறப்பு முகாமில் அடைப்பது வாடிக்கையாகிவிட்டது.

தமிழக காவல்துறையின் கியூ பிரிவு மேற்கொண்டுவரும் இப்படிப்பட்ட நடவடிக்கைகள் அனைத்தும் சட்டத்திற்குப் புறம்பானவை என்றும், எவ்வித ஆதாரமும் இன்றி ஈழத் தமிழ் சொந்தங்கள் இப்படிப்பட்ட சட்டத்திற்கு புறம்பான ஒடுக்குமுறைக்கு ஆளாக்கப்பட்டுகிறார்கள் என்பதையும் தமிழக அரசுக்கு நாம் தமிழர் கட்சி பலமுறை எடுத்துச் சொல்லிவிட்டது.

செங்கல்பட்டிலும், பூந்தமல்லியிலும் சிறப்பு முகாம்கள் என்ற பெயரில் ஈழத் தமிழ் அகதிகளை தடுத்து வைக்கும் தனிமைச் சிறைகளை இழுத்து மூடுங்கள் என்று பல முறை நாம் தமிழர் கட்சி குரல் கொடுத்துள்ளது, பல போராட்டங்களை நடத்தியுள்ளது. ஆனால் இன்று வரை அந்த முகாம்கள் தொடர்ந்து இயங்கி வருகின்றன. அவைகளில் அடைத்து வைக்கபட்டுள்ள ஈழத் தமிழ் சொந்தங்கள் பலரும் தமிழக காவல்துறையின் கியூ பிரிவினரால் மன ரீதியிலான வதைக்கு உட்படுத்தப்படுகின்றனர்.

இப்படிப்பட்ட நிலையில்தான், பூந்தமல்லி சிறப்பு முகாமில் தடுத்து வைக்கப்பட்டுள்ள சந்திரகுமார் என்ற ஈழத் தமிழ் அகதியை விடுதலை செய்து, அவரை சாதாரண முகாமி்ற்கு மாற்றுமாறு தமிழக அரசு உத்தரவிட்டது. ஆனால் அந்த உத்தரவில் திட்டமிட்டே ஒரு பிழையை செய்து, அவரை விடுவிக்காமல், மீண்டும் பூந்தமல்லி சிறப்பு முகாமில் கொண்டு வந்து அடைத்துவிட்டது கியூ பிரிவு. தன்னை விடுதலை செய்யுமாறு கோரி கடந்த 15 நாட்களாக தண்ணீரை மட்டுமே குடித்துக்கொண்டு பட்டினிப் போராட்டம் நடத்தி வருகிறார் சந்திரகுமார். செங்கல்பட்டு சிறப்பு முகாமில் அடைத்து வைக்கப்பட்டுள்ள மற்றொரு ஈழத்து அகதி ஒருவரும் பட்டினிப் போராட்டத்தில் ஈடுபட்டு வருகிறார்.

சிறப்பு முகாம்கள் என்ற பெயரில் எதற்காக தமிழ்நாட்டில் இந்த தனிமைச் சிறைகள்? என்பதே தமிழக அரசுக்கு நாம் தொடர்ந்து எழுப்பிவரும் கேள்வியாகும். ஈழத் தமிழர் நலனில் அக்கறை கொண்டு செயல்பட்டு வரும் தமிழக அரசு, எந்த அடிப்படையில் சட்டத்திற்குப் புறம்பான இந்த தனிமைச் சிறைகளை அனுமதிக்கிறது? பல்வேறு குற்றச்சாட்டுகளைக் கூறி, இந்த முகாம்களில் தடுத்து வைக்கப்பட்ட ஈழத் தமிழ் அகதிகளில் ஒருவராவது இதுநாள் வரை நீதிமன்றத்தால் தண்டிக்கப்பட்டதுண்டா? இல்லையே? அப்படியாயின் எதற்காக தமிழ்நாட்டில் வதை முகாம்களாக செயல்படும் சிறப்பு முகாம்கள்?

இந்திய மண்ணில் நேபாள அகதிகளும், வங்க தேச அகதிகளும் சுதந்திரமாக வாழ அனுமதிக்கப்பட்டுள்ளனரே, ஆனால் தமிழர்களின் தாயகமான தமிழ்நாட்டில் ஈழத் தமிழ் சொந்தங்கள் எதற்காக இப்படி அலைக்கழிக்கப்படுகிறார்கள்? தமிழர்களுக்கு சொந்தமில்லாத நாடுகளில் எல்லாம் அவர்கள் குடியுரிமை பெற்று சுயமரியாதையுடனும், அனைத்து உரிமைகளுடனும் வாழ்கின்றனரே. தமிழ்நாட்டில் ஏன் அவர்கள் அவமானப்படுத்தப்பட வேண்டும்? சித்ரவதைக்கு ஆளாக்கப்பட வேண்டும்? தமிழ்நாட்டைத் தவிர, எந்த நாட்டில் அகதிகளாக வந்தவர்களை அயல்நாட்டினர் சட்டத்தின் கீழ் தடுத்து வைக்கின்றனர்? தமிழக அரசு பதில் சொல்லட்டும்.

கடந்த ஆட்சியில்தான் ஈழத் தமிழினத்திற்கு சொல்லனா கொடுமைகள் இழைக்கப்பட்டன, அது இந்த ஆட்சியிலும்தான் தொடர்கிறதே. ஜனநாயக வழியில் எத்தனையோ போராட்டங்களை நடத்திவிட்டோம். அதற்கெல்லாம் எந்த மதிப்பும் இல்லை. சட்டத்தின் ஆட்சிக்கு மதிப்பு கொடுக்கும் தமிழ்நாட்டின் முதல்வர், இப்படி சட்டத்திற்குப் புறம்பாக ஈழத் தமிழ் சொந்தங்கள் அலைக்கழிக்கப்படுவதை எப்படி அனுமதிக்கிறார் என்று புரியவில்லை. இப்பிரச்சனையில் இதுநாள் வரை தமிழக அரசுக்கு கோரிக்கை விடுக்கும் முகமாகவே நாம் தமிழர் கட்சி பல போராட்டங்களில் ஈடுபட்டது. இதற்குமேல் இப்பிரச்சனையை தமிழ்நாட்டின் அரசியல் பிரச்சனையாக மக்களிடையே கொண்டு செல்வதைத் தவிர வேறு இல்லை என்கிற முடிவுக்கு வருகிறது.

ஈழத்தில்தான் முள்வேலி முகாம்கள் என்றால், தமிழ்நாட்டிலும் வதை முகாம்களா? எங்கு போவான் ஈழத் தமிழன்? தமிழர்களே சிந்தித்துப் பாருங்கள்.

செந்தமிழன் சீமான்

தலைமை ஒருங்கிணைப்பாளர்

இயக்குனராகவும், நடிகராகவும் மட்டுமே பரவலாக அறியப்பட்ட எங்களின் பாசத்திற்குரிய மணிவண்ணன் ஐயா அவர்கள், மிகப் பெரிய கொள்கைவாதிவாதியாவார். பொதுவுடைமைக் கொள்கையில் ஆழ்ந்த ஈடுபாடு கொண்ட அவர், இளமையில் பொதுவுடைமை இயக்கத்தில் தீவிரமாக பணியாற்றியவர். இறுதி வரை அக்கொள்கையில் உறுதியாக நின்றவர்.

இலங்கையில் தமிழினம் திட்டமிட்ட இன அழித்தலுக்கு உள்ளாக்கப்பட்டபோது, தனித்து முன் வந்து தனது கருத்தைக் கூறியவர். ஈழத் தமிழினத்தின் நியாயமான விடுதலைப் போராட்டத்தை பயங்கரவாதமாக சித்தரித்ததை எதிர்த்து துணிந்து பேசியவர். தமிழீழ விடுதலையை முன்னெடுத்த விடுதலைப் புலிகளின் தியாகத்தை புகழ்ந்து பேசியவர். தமிழ்நாட்டு மக்கள் மனதில் இனப் பற்றையும், தமிழ்த் தேசியத்தையும் ஆழமாக விதைத்தவர்.

பாமரனும் புரிந்துகொள்ளும் வகையில் இருக்கும் அவருடைய மேடைப் பேச்சு, தமிழினம் எதிர்கொள்ளும் சிக்கல்களில் ஒரு தெளிவை தமிழ் மக்களிடையே ஏற்படுத்தியது. நாம் தமிழர் கட்சி தொடங்குவதற்கு உறுதுணையாய் நின்ற தலைவர்களில் மணிவண்ணன் ஐயா ஒருவர். நாம் தமிழர் கட்சியின் வளர்ச்சியில் அவருடைய பங்களிப்பு முக்கியத்துவம் வாய்ந்ததாகும்.

மணிவண்ணன் ஒரு சீரிய சிந்தனையாளர், சிறந்த பகுதறிவாளர், ஆழந்த தமிழினப் பற்றாளர், தெளிந்த தமிழ்த் தேசியவாதி என்பதோடு, வழிகாட்டியாய் கருதத்தக்க மனிதாபிமானியாவார். தமிழினத்தின் விடியலுக்காகவும், உரிமை மீட்பிற்காகவும் பெரும்பங்காற்றிவந்த நிலையில் அவருடைய வாழ்வு முடிவெய்திவிட்டது எமது கட்சிக்கும் தமிழினத்திற்கு ஈடு செய்ய முடியாத பேரிழப்பாகும்.

மணிவண்ணன் மறைவால் பெரும் துயரை சந்தித்துள்ள அவருடைய குடும்பத்தாருக்கு நாம் தமிழர் கட்சி தனது ஆழ்ந்த இரங்கலைத் தெரிவித்துக்கொள்கிறது.

செந்தமிழன் சீமான்

தலைமை ஒருங்கிணைப்பாளர்

மத்திய அரசின் பொதுத் துறை நிறுவனங்களில் இலாபத்துடன் சிறப்பாக செயல்படும் நிறுவனங்கள் நவரத்னா என்ற பட்டத்துடன் பெருமையாக அழைக்கப்படுகிறது. அப்படிப்பட்ட ஒரு ஒரு பொதுத்துறை நிறுவனம்தான் என்.எல்.சி. என்றழைக்கப்படும் நெய்வேலி பழுப்பு நிலக்கரி நிறுவனம்.

இப்படி நவரத்னா என்ற பெருமை கொண்ட நிறுவனங்களின் வளர்ச்சிக்காகவும், விரிவாக்கத்திற்காகவும் மத்திய அரசு கூடுதலாக முதலீடு செய்து அவைகளை பாதுகாக்க வேண்டும். ஆனால், பொதுத்துறை நிறுவனங்களின் பங்குகளை தனியாருக்கு விற்கும் கொள்கை முடிவை கடைபிடித்து வரும் ஐக்கிய முற்போக்குக் கூட்டணி அரசு, முதலில் பலவீனமான நிறுவனங்களின் பங்குகளை தனியாருக்கு விற்று வந்தது. இப்போது நவரத்னா நிறுவனங்களின் பங்குகளையும் தனியாருக்கு விற்கும் முடிவை செயல்படுத்தி வருகிறது.

மத்திய அரசின் இந்த தவறான பொருளாதாரக் கொள்கையே, தமிழ்நாட்டில் இயங்கிவரும் நெய்வேலி பழுப்பு நிலக்கரி நிறுவனத்தின் 5 விழுக்காடு பங்குகளை தனியார் முதலீட்டிற்கு விற்கும் முடிவாகும். மத்திய அரசு இந்நிறுவனத்தின் தொடக்க காலத்தில் அளித்த சில கோடி ரூபாய்களை மட்டுமே முதலீடாகக் கொண்டு தொடங்கப்பட்ட நெய்வேலி பழுப்பு நிலக்கரி நிறுவனத்தின் இன்றைய பங்கு மதிப்பு 14,000 கோடி ரூபாயாகும். இதில் 5 விழுக்காடு பங்குகளை விற்று, அதன் மூலம் கிடைக்கும் ரூ.700 கோடியை, நிறுவனத்தின் விரிவாக்கத்திற்கு பயன்படுத்துவோம் என்று முதலில் கூறிய பிரதமர் அலுவலக அமைச்சர் நாராயணசாமி, இப்போது மத்திய அரசின் மக்கள் நலத் திட்டங்களுக்கு பயன்படுத்தப்போவதாக மாற்றிப் பேசுகிறார். எப்படியிருப்பினும் மத்திய அரசின் இம்முடிவு ஏற்கத்தக்கதல்ல.

என்.எல்.சி. நிறுவனம், கடந்த ஆண்டில் மட்டும் 1,460 கோடி இலாபம் ஈட்டியுள்ளது. 262 இலட்சம் டன் நிலக்கரி வெட்டி எடுத்து பயன்படுத்தியுள்ளது. அதன் மொத்த வணிகம் ரூ.5,600 கோடியாகும். இந்நிறுவனம் ஈட்டிய இலாபத்தில் இருந்து ராஜஸ்தான், உத்தரபிரதேசம் ஆகிய மாநிலங்களில் பல சுரங்கங்கள் அமைத்து மின்சாரம் தயாரிக்கும் திட்டங்களுக்கு பல்லாயிரம் கோடிகள் முதலீடு செய்யப்பட்டுள்ளது. நெய்வேலியில் மேலும் இரண்டு 500 மெகா வாட் அனல் மின் நிலையங்கள் விரைவில் தொடங்கப்படவுள்ளது. நெய்வேலியில் தற்போது 2,490 மெகா வாட் மின்சாரம் தயாரிக்கும் இந்நிறுவனம், தமிழ்நாட்டிற்கு 980 மெகா வாட் மின்சாரத்தை அளிக்கிறது. மீதமுள்ள 1,500 மெகா வாட் மின்சாரம் தென் மாநிலங்களுக்கு வழங்கப்படுகிறது. இப்படிப்பட்ட வர்த்தக ரீதியாக வளமான ஒரு நிறுவனத்தின் பங்குகளை தனியாருக்கு விற்க முடிவு செய்திருப்பதன் மூலம், இந்நிறுவனத்தை தனியாருக்கு தாரை வார்க்க மத்திய அரசு முடிவு செய்துள்ளது.

தனியாரின் நிர்வாகத்தின் கீழ் என்.எல்.சி. போகுமென்றால், அது தயாரிக்கும் மின்சாரம், இப்போது கிடைக்கும் விலையில் தமிழ்நாட்டிற்கோ அல்லது தென் மாநிலங்களுக்கோ கிடைக்காது. அவர்கள் விலையை உயர்த்துவார்கள். அதனை மத்திய  அரசு கேள்வி கேட்க முடியாது, கேள்வி கேட்கவும் மாட்டார்கள். ஆட்குறைப்பு நடைபெறும். இப்போதே அதிகம் தொழிலாளர்கள் வேலை பார்க்கிறார்கள் என்கிற பொய்யான தகவலை தருகிறது என்.எல்.சி. நிர்வாகம். இப்படி அது கூறுவதற்குக் காரணம், இப்போதுள்ள 17,000 ஒப்பந்தப் பணியாளர்களில் ஒரு பெரும் பங்கை வேலை நீக்கம் செய்வதற்கே.

ஒரு பக்கத்தில் ஒப்பந்தத் தொழிலாளர்களை நிரந்தரம் செய்ய வேண்டும் என்று போராடுகிறோம். ஆனால், தொழிலாளர்கள் எண்ணிக்கையை குறைக்கும் திட்டத்திற்கான அடிப்படை வேலை மற்றொரு புறத்தில் நடக்கிறது. இதனை ஏற்க முடியுமா? வளமான மக்கள் நிறுவனம் தனியாரின் கைக்கு போவதை தமிழக மக்கள் ஏற்கலாமா? பொதுத் துறை நிறுவனங்களின் நோக்கம் மக்களுக்காகவா அல்லது தனியார்கள் கொழுக்கவா? இது பொருளாதார கொள்கையா அல்லது தனியார்கள் கொள்ளையா?

எனவே, என்.எல்.சி. பங்குகள் விற்பனையை தடுத்து நிறுத்துவோம். தனியார் மயம், தாராளமயம், உலகமயம் என்பதெல்லாம் மக்களுக்கு அல்ல அது தனியார் கொழுக்கவே என்பதை உரகச் சொல்வோம். நெய்வேலியில் புதன் கிழமை காலை கூடுவோம். ஒரு நாள்  முழுவதும் தொடர் முழக்கப் பட்டினிப் போராட்டத்தில் ஈடுபடுவோம். வாருங்கள் தமிழர்களே, தமிழரின் பெருமைமிக நிறுவனத்தை காப்போம்.

செந்தமிழன் சீமான்

தலைமை ஒருங்கிணைப்பாளர் .